Koktisal, 25 May 2025 salmario, Khowai Hangkhorni Teliamura, Brahma Twisa ni Mount Zion High School o palaijakha ‘Kalai Youth Society’ ni Bisi ChiBa (50Years) pungma salno khatungwi Rangchak Bisi Ter (Golden Jubilee Celebration).
Pandao chati kwthar mwswngwi pandano chengsarwnai wngwi manjakgwikha Kalai Hoda ni Rai Satya Kalai.
Naruai okra wngwi manjakgwikha TTAADC Haphangni Sakham, Tiprasa Hamkwrai tei Beraikhiri ni chariphang adong Kamal Koloi.
Naruai motom wngwi manjakgwikha 12 Takarjala ni Haste Kerong Kokcha Nokni Adong Biswajit Kalai tei TTAADC Kokchap Nokni Adong Sadagar Kalai.
Naruai borom wngwi majakgwikha Smt. Jutila Kalai (Raijwk, Kalai Samaj Tripura), Shri. Uttam Kumar Kalai (Acting President, Kalai Employee Society), Dr. Kanika Kalai (Assistant Professor, Veterinary College Govt. of Tripura), Shri. Mwkthang Kalai (Advisory Member, Kalai Youth Society), Dr. Sunil Kalai (Former President, Kalai Youth Society), Shri. Pada Mohan Kalai Singha (Founder Member, Kalai Youth Society), Shri. Suresh Kalai (Founder Member, Kalai Youth Society), Shri. Hari Kalai (Founder Member, Kalai Youth Society), Smt. Babli Kalai (Founder Member, Kalai Youth Society) tei Samrat Kalai (President, Kalai Youth Society).
Ah salo phungni dam chuku ni simi Rwchapmung, Mwsamung no khobwi Hukumu Panda tei Buphang Kaimani bisingtwi tongthothok khe palaijakha Kalai Youth Society ni Bisi ChiBa pungma sal.
Tei Kalai Youth Society songchanai adong songno bo borom rwmani bisingtwi muitu khlaijakha.
Sathai kwlaio, Kalai Youth Society Songchajakmani abo Kalai Hodani Hukumu Mukumu rokno mwthangwi narwknani, Hodani Sikla Sikli rokno lam kaham twi Hodani samung bwtangrokno khlainani naharmungo swnamjakmani.