Assam Hasteni Mungwnang Zubeen Garg thwimani bai, jotto panda rok mwthakjakha North East India Festival 2025 ni Singapore o.
Bisi BaChiNwi umorni mungwnang athukiri, haste haa yakarwi kubun thai (Singapore) o salthamni bagwi hukumu-mukumu panda ter o, baithang rwchapna thangthani thwijakha Scuba Diving patimungo.
“Belaikheno b’kha khamani bisingtwi sanani kwlaio, Assam haste, tei Bharat hakotor gwnangwi sinimung manjak athukiri mungwnang Zubeen Garg langma sachoui thangjamani bagwi. Jephuru boh Scuba Diving khlaimani jorao achomsa hama nathanio tekto wngmabai logi logino bohno swkang CPR khlaiwi Singapore ni General Hospital o twlangjakmani. Phiyaba bini langmano ICU o mwthangwi narwk manliya, langma sachoui thangkha hwnwi sakhlaijakha diborni Dam Nwi Tamwi soti ThamChio” hwnwi saka North East India Festival (NEIF) songchanai adongsong.
