Wednesday, July 24, 2024
spot_img
HomeNewsSikla Samung Kwrwi Rokno Samung Rwna Bagwi TIPRA-HAM Mungwi Kwtal Scheme Phiyokgwi...

Sikla Samung Kwrwi Rokno Samung Rwna Bagwi TIPRA-HAM Mungwi Kwtal Scheme Phiyokgwi Yapri Kwtal Romkha TTAADC Haphang

TIPRA-HAM Scheme Phiyokgwi rwkha TIPRA Motha bai naikoljak TTAADC Haphang. Kaisano naharmung Tiprasa amchaini samung humung manya sikla-siklirokno ajimungni lama khlaiwi rwnani tei Nok-Nukhung pusimanatwi. Ah naharmungno bwskango toniui July Tal ni Chi(10) Salmari Srangsalo(Wednesday) Bugrakhor Agulini Manikya Courto TTAADC Haphangni bwkhaktwi kaisa koktwma thumnairokni panda khlaiwi TIPRA-HAM Scheme mungwi kwtal Scheme ni portal no online twikhe phiyokgwi rwkha Bubagra Pradyot Bikram Manikya Deb Barma.

Ah pandao Bubagrano karwi bo manjakha Reforms committee ni member Bijoy Kumar Hrangkhawl, TTAADC ni Chariphang Adong Okra Purna Chandra Jamatia, Chariphang Adong Kamal Kalai, tei Chariphang Adong Ananta Debbarma, Chariphang Adong Suhel Debbarma no khobwi TTAADC Haphangni Samung Tangphangrok.

TIPRA-HAM Schemeni bisingtwi Tiprasa amchaini siklarokno eba samung manya abohai borok khorok dok-rano(600) civil score naiwi Electric Auto yapharjaknai. Puila o sepno yachakna bagwi www.tipraham.in click khlaiwi koimung ma-yapharnai. TTAADC Haphangni Chubachu bai rangmari eba interest kisa rima baino abohai rangchakni sep naharwi manai hwnwi Judakuk khlaiwi Bubagra kobokha, tei hati barsani bisingo Tiprasa sikla rokno oh schemeo online apply khaina bagwi koikha.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments