Tripura Tribal Areas Autonomous District Council (TTAADC) Haphang bai Luwajijak Deputy PO tei Sub-Zonal Development Officer Recruitment amjokmungni Answer Sheet Amjokmungni swkangno Leaked wngkha. Amjokmungni Answer Sheet Social Media o Viral wngmabai Chasal 8th June 2024 sanja jorao Bugrakhor Agulini Press Club o Kokthum Panda khlaima bisingtwi amjokmung ni salslaima saklaikha Tripura Tribal Areas Autonomous District Council (TTAADC) Haphang. Sal slai jakmabai kotor jwngjal nukjakgwi phaikha amjokmungo achukna bagwi nok nukhung yakarwi amjokmung ni thaio phainai 26,261 Tiprasa Lukurok.
Amjokmung ni Answer Sheet simiya, aboni swkangbo kwbangma Tangnokni nangkukma samungni koktwma rok awai wngmani patimung, phiyaba jai khlaijakya kheno mwthakjakha ah patimungrok. Abohai samung sitra khlainairokno mwthakgwi dakti dakti khe romwi kotor majra rwnani sankha Bubagra Pradyot Bikram Manikya Deb Barma.
Yagulo ah selengma singcha patimung rokno nukgwi Social Media gwnangwi lukurokni naslemung nukjakha.
