Beardo Mega Mr. NorthEast 2023 o sinimung manjak ADONG JAMATIA tei Rangchak Hasteo athukiri hwnwi sinimung manjak tei lukurokni chajakma HAMJAKMA REANG hatio daktino phaiwi tongo Bukhuk SharmiliDebbarma ni Saktharmung tei Khathansa Production ni chaitokmungbai, wngtong jorani bahai bai daktino tikhlaijakna phaising Kwtal Kokborok Music Video. 2019 bisio Kisa Kisakhe tei 2021 bisio Twngsa Lama Video no aswkhe lukurok hamjakmung rwkha tei Haktor Beremo pirsajakha.
Bukhuk Sharmili’s ni chaitokmung wngkha Kokborok Music Video no Haktor tei Hayung gwnang pirsanani simiya Haste Rangchakni Kanmung chumung no kwtal bumul baikhe sinimung rwnani tei kwtal jorani chwnajak sikla rokno tisamung rwnani wansukmungno twiwi yapri naharwi tongo.
Abohaikheno Rangchak Tripura Hasteni Kokborok Hukumu terep terep abisa ni simi cherai, cherai ni simi sikla, sikla ni simi tabuk phan kwrak sikla-chakra. Oh jorao hasteni kwbangma thaio noh Rwchapmung Mwsamung wngmani logi logi Music Video, Toke (Film/Movie) ni logi logi Documentary Film rok swnamjakmani bisingtwino swkangwi tongo Kokborok Kok eva Maa ni Kok phuwarjakmani.
Tripuri Dophano sinimung eva pirmani bagwi paiphlaiya hambai ma yapharo tei phainai salo Hasteo simiya Hakotor tei Hayungni juda juda thaio no Kokborok Shooting khlaijakthwng abohai no naio chini Yakhwrai Nainuk Bodol.