Government of India, Padma Shri Award (2019) manjak Boromgwnang chakra Thanga Darlong langma sachulangjakha 3rd December 2023, koktisalni dipor jorao, bini baithangni nok Muraibari Kailashahar bai khobjak ADC village ni Deorachara o. Sal kwbangma romwi boh sak hamya tongmanibai bisi RaTham umoro no oh hayungno yakarwi thangjakha.
Borom gwnang Thanga Darlong khoroksa composer Folk Musician tongmani, 2014 bisio Sangeet Natak Akademi Award, 2015 bisi o Academic Fellowship ni bo award manjak, tei senior honour ni bo Government of Tripura 2016 oh borom rijak bohno, tei 2019 Government of India, Padma Shri Award rijak bohno.
Borom gwnang Thanga Darlong thwimani koktwma khwnawoi bono paithak nairwkmung nairwkna bagwi thangwi sogwikha Montri Tinku Roy, tei bini phola khakchangnani bagwi diyaikha montri, abo bai baksa nukhungni borok no B’kha khama yapharkha.
