Wednesday, February 21, 2024
spot_img
HomeNewsLaithangnai 2019 Bisini 8th January Salni Patimungno Twiwi Kosom Sal Palaikha Twipra...

Laithangnai 2019 Bisini 8th January Salni Patimungno Twiwi Kosom Sal Palaikha Twipra Students‘ Federation (TSF)

Mokolni mwktwi ranwi thangphano pokgwi mankyakhu, laithangnai 2019 bisini, 8th January salni patimungno. Laibumao simi de tong rwkgwi thangsinai ah salni patimungni kokrok ? Tabukbo khwna horwi tongkho, chirikma khorang, swlwkgwi kapma khorang. Haani bwsarokni manthai no sanwi khorang tisa phuru, malmata ni slaibo dorokhe bujakha, tokjakha. Koktwma Awai khlainai rokno mwthakna chaitokgwi camera tei camera ni manwi khwnwi rok swbaijakha. Phiya, abo bai simi thakliya, kokjakna nangkha silai patham bai haani bwsarok. Soklaiwi bujakha Sakhamnokni malkhungni kariui. Haikhe da chwngba oh haani komor langsinai ?

Tangsal, 8th January 2024 salni, Kwchangma jora, siyari lob lob jorao phano nokgo khenta bisingo hapbwi tongwi manlai liya Twipra Students’ Federation (TSF) hasteni rwngswrwngnai motha. Ongkhorkha khorokgo kosom pali ni rih sorwi. Phiyaba tabukbo mwktrwi o thujak Neta-Montri hwnjaknairok. Boro sokgwino thinang ? Manai de Haani Bwsarokni soi mankubui ? swngmung kotor achaijak tabuk.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments