Thwi yapharmani kokno twiwi lukurokni bisingo sichamung rwna bagwi Kerala Hasteni simi himwi phaimani Kiran Verma mungwi khoroksa luku hamkrai samung tangnai.
Bisini puila Tangsal, 1st January 2024 salmario sokphaikha Tripura Hasteo, yagulo Kraksal, 2nd January 2024 salmario, Koktwma Thumnairokni panda khlaiwi boh sawui khnarwkha, Bharat Haao thwi biyal bai thwina ta nangthung hwnwi no bini oh yapri.
Lukurok 2025 bisio thwi ni biyal bai langma ta chobai sithwng hwnwi SaChiChar lamkolok (18,000 Kilometres) hwmwi Tripura Hasteo sokphaikha Kiran Verma. Ah salo bini logio tongkha, Hasteni thwi manthokmungni samung tangwi tongnai adong Rocky Murasing no khobwi juda juda hoda hamkrai ni samung tang-adongrok.