Jora bai baksa swlaijakha Tripura Tribal Areas Autonomous District Council ni SiniMari(Logo).
Habar no rwkgwi swnamjakha Tripura Tribal Areas Autonomous District Council (TTAADC) Haphangni kwtal SiniMari. Chumuio Sal pasajak, Hapung-Hathai, Twima-Twisa, Kheto-Maikhul, Huk tei Bolongni Wah no karwi bo sinimario tongkha naitho-thok Khumpui Bubar. Tei aro Risha baikhe naitho-thokhe kiting Ari(Border) rwui Pimol(Blue) pali ni aikhor baikhe swijakha.
