Bharat-Haa, Tripura tei Bangla-Haani Kokborok Rwchapnairok kwthalaiwi, Rangchak Tripura Haste ni Naithothok Habar rwkgwi Naharwi Naidi mungwi hatio judakukhe kwtal rwchapmung tiklaijakna thangwi tongo. Hasteni Rwchapmung Hapharni Mungwnang Takhuk Adhiraj Debbarma ni Swijak tei Khorangbai Kholjak ah khwnathok rwchapmung daktino phiyokjaknai lukurokni bagwi.
Ah rwchapmungo Haste ni Kokborok rwchapnai rokno karwibo tongbaikha Bangla Haa ni rwchapnai athukiri rok. Rwchapmungo Khorang rwnai rok wngkha Hasteni Biplap Jamatia, Durjoy Mani Debbarma, Jimush Debbarma, Manisha Debbarma, Runu bala Debbarma, Ruji Debbarma, Reshma Jamatia, Siyari Debbarma, Smriti K. Jamatia, Tripur Debbarma, Viki Debbarma, Sahil Reang, Samrat Jamatia, Semita Debbarma, Tapash Debbarma, Pramila Debbarma no karwibo Bangla haa ni rwchapnai Payel Tripura (Khagrachori) tei Any Dewan (Khagrachori) akosong.
Rwchapmungo Taamung rwi khwnathok rwkha Haste ni Mungwnang tei Taamung Rwchapmung ni hapharo okra, Takhuk Milton Debbarma (Salka Studio), Pintu Murasingh (Anie Borok Studio), Phaiswkang Jamatia (Sound Slave Studio) tei Bangla-Haa (Bangladesh) ni hri Aremong Marma Studio – Khagrachori.
