Sal kisa swkang social mediao rangchak hasteni bwrwi rokno kubuni mungbaikhe lachimung rwnai Saikat Talapatro romjakmani Kolkata o tei bohno Tripura Hasteo tubui alongo chobwi tonjakmani, abono twiwi Tangsalo TWF ni Achukphang, Hasteni Kerong Kokchap Nokni Adongjwk Swapna Debbarma tei TWF Achukphang (Working President) Manihar Debbarma, no khobwi TWF bwrwi bodol thangwi malaikha Agartala Police Head Quarterni DGP bai, malaimani pher wngkha Saikat Talapatra ni case no naikolnai kerong kwrwng rok phatar hasteni kerong kwrwng da eva khe private da tei kwrak majra (Non-Bailable) sanwikha TWF.
Digital Media ni bisingtwi sal kwdwkma romwi huijakgwi buino buino khuk sitra kokbai ari laiwi kutuknai tei ereng ereng kok silchanai Tripura Online Journalist Saikat Talapatra no romkha naimwthang.
Phasal 6th October2023 Salmarini Aichukgo West Bengal ni 24 Pargana hangkhorni Sodpur, Ghola ni bohno romkha Crime Branch. Aboni Yakgulo Phasal Phungni Flight baikhe West Bengal ni hasteo tubuwi phaikha bohno Tripura Police. Yagulo Twlangjakha NCC thanao, sarikni damtham tamphuru tisajakha dorba nokgo.
Khuk sitra sanani bini tongmung, jora kaisa TV Channel o samung tangphano ah jorao boh Montri Okra ni simi chengwi admistrative ni juda juda officer rokno bo personal attack khlaiwi kok samani bagwi defamation case rwjakmani phiyaba haste ni kharwi thangwi Kolkatao tong twtwi social media ni bisingtwi personal attack khlaimani bai kwbangma case bini mungwi tongmani baino bohno romjakha.
Koktwma Swinai : Siyari Kalai || Mangphili Tisanai : Rabin Kalai
