Wednesday, June 19, 2024
spot_img
HomeNewsTIPRA WOMEN FEDERATION (TWF) ni Saktharmungbai Songchajak Bugrakhor Agulini Manikya Court o...

TIPRA WOMEN FEDERATION (TWF) ni Saktharmungbai Songchajak Bugrakhor Agulini Manikya Court o Nokha SalBrwini Hukumu Chamung Ter

Tipra Women Federation (TWF) ni saktharmungbai songchajak Bugrakhor Agulini Manikya Court o nokha salbrwini Hukumu Chamung Ter. Chengjakmani 15th October ni simi tei paithakni sal 18th October jora, puilani salo belaino kwbang borok nukjakha chamung ter o phailaimani, chalaimani, pailaimani tei hasteni kerong kokchap nokni adong adongjwksong tei TTAADC ni samung charinai adongsong rokbo phaiwi manjaklaikha puila chamung ter chengmani salo.

Tini Tangsalo haino hai kwbang borok phaimani nukjakha, Tiprasa rokni chamung kohtokno chalaina bagwi, TWF bai luwajijak chamung ter o dalbidal ni Tiprasa rokni chamung phaljakgo tei jottonisai judakuk nukjakha muiyani bisingo tok bahan dawui swnamjak, chamung no karwi bo dalbidal Tiprasa rokni kammung chumung bo phaljakgwi tongo chamung ter o, tei chamung ter o chamung phalnai rokbo belaikhe khaswrangjaklaikha kwbang lukurok phaiwi chamung paiwi cha phailamani bagwi, borok chini mangphilini bisingtwi sakha omohaikhe Tiprasa rokni chamung no hamjakgwi thokjakgwi kwbang lukurok phaimanibai belaikhe khaswrangjakha.

Tei salnwi tongkho 17th tei 18th October chamung ter tei salnwi no tongsio, aboni bagwi bwskang sal rokgo bo omohai chamung ter rok khwlaijakhe phainani bagwi kobokmung paharlaikha chamung ter baniya khwlainai rok.

Koktwma Swinai : Siyari Kalai || Mangphili Tisanai : Suman Debbarma

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments